عيدكم ..أطفال !

اول يوم رمضان ..الحمدلله .. الله انعم علينا بــ "رنــــــا " ..
واكيد ما اتحمل اشوفها الا اسوي شيئين .. بوسات أو تصوير ..
هههه .. وأخوي وزوجته .. طبعا ساكتين على مضض .. ميهمنييييييش
احبها وبششششششش ..




في صورتين لها .. ابتسم كثير لما اشوفهم .. ابتسم على النظره ..
على العصفور الطفطوفه .. على الملاك .. اللي اسمه رنا !
حكاية الصورتين .. كنت اسولف ويا اختي لحظه .. واصورها لحظه ..
والصغيرونه اصلا كانت نعسانه .. مره تقلب عينها يميييييييييين ..
مره يسااااااااااااار ..اقول فيها برائه ؟ لا مو برائه .. فيها شي اعذب!




فجأه فزت .. وقامت من نص النوم .. وكنها كانت تطالعنا بنظره مباشره ..
هههه مدري .. الظاهر سمعت كلام فجعها .فديتها ..

هههه هني نص برائتها روحت .. لوووووول.



لو شيكت تلفوني الحين .. يمكن اغلب الصور اللي فيه .. لسعادتها ..
مدري كيف جات .. وكيف بسهوله قدرت تحتل هالمكانه بقلبي ؟؟
احسها بريئه .. بريئه كثير ..واحيان انسى انها بشر ..
اشوفها كائن رقيق.. مثل العصافير برقتهم وجمالهم !
امي تعصب لما ابوسها وايد ..
ولما امسكها وايد .. ولما ما اتعب ادور حجه قويه لاجل اصحيها ..



ما اريدها تنام ونا موجوده ..
تضحك ..تبكي .. مايهمني .. اهم شي صاحيه ..
احيان تبتسم .. وهي نايمه ..
ودي بس تعرف قد ايش هي ملاك ب هاللحظه .. !




زمان لمن يسألوني .. ياعنودع لما تكبرين كم طفل بتولدين ؟
كنت اجاوب نفس الجواب : إلى مالا نهايه !
جوابي بنظرهم كان مضحك .. وضحكهم كان يسبب لي ذهول .. !
ليش؟ ..انا ما كنت امزح .. كنت اتكلم جد.. !!!




امس عيدي كان سعيد.. وسعيد كثير .. لمجرد ان اغلب وقتي راح
ويا اطفال العيله .. وخصوصا ويا رناد ورنيم ورنا ...


ما اكذب عليكم ..
صرت مهوووسه بشي اسمه اطفال ..واحس هالطبع طغى علي خلاص
حتى اني صرت افكر لبعيد ..وقررت ان شاء الله لوتزوجت .. ما اشتغل ..
بس اقعد ويا عيالي ..ما اتخيل افارقهم لحظه.. ضناي وضنا قلبي هذيلا!




احيانا اقول يمكن حبي للاطفال ما جا الا لحكمه
محب اقول هالشي بس اخاف بعدين انا بروحي ما اجيب عيال !
تعودت اتعلق باحلام حد الهوس وباخر لحظه لمن باخذ الحلم بيديني
يطير...يطير بلمح البصر



ولمن احط نفسي مكان اللي ربي ماقدر لهم بعيال للحين
ارحمهم ..ارحمهم كثير،،،لان الاطفال نعمه ..وسعاده وكل شي جميل !
بالمقابل ...استغرب من كثير ناس ربي ما غرس بداخلهم هذي الرغبه


ويمكن غرسها بس ماهي من الاولويات !
سبحان الله يمكن ما يطلعون مجرد اغبياء
بس كان مجرد استغراب




قبل فتره قريت مقاله عن زوجة الامير الوليد بن طلال
اممم قريت انها صبيها صبيه بنص العشرينات اذا مو اولها !

مستغربت كون والدها وافق ان يناسب الوليد للمره الثانيه بعدما طلق اختها الاكبر
استغربت حقيقه انها خضعت لعملية ازالة الرحم وهذا كان شرط الوليد الوحيد !

ياترى شو تسوي بالمال والجمال لو انتهى الوليد بغمضة عين!


افكار مرعبه ...لاني لو مكانها بتخلى عن اي شي بها الكون
بس لاوفرلطفلي رحم جميل ..ينام فيه وهو مبتسم !








اليوم عيد .... مع ذلك قلبي استرسل بالحديث عنهم
اليوم عيد ...ولا زال عالمهم ياسرني بسحره !



تبا لهم ..... من احباب.. قراب ..للقلب والروح !