ربــ ِ ... زدني صبـــــرا :)

اممم كنت اريد اسجل لمنتدى .. وفكرت بمعرف اي كلام .. على طول جا ببالي "مالي حظ " ..

رحمت نفسي L .. وجلست افكر ليش هالمعرف قفز ببالي فجأه .. يمكن لأني جالسه اقلب بإيميل الوظايف مثلا ً ..ورسايل طلب الوظايف واصلين 102 ؟ ههه والله ما اكذب .. وفي ايميل ثاني بعد .. من غير الشركات اللي اسجل بموقعهم على طول !

(حصاد سنه وشهرين مو شويه J ) ...

اريد أحضر ماستر .. اضحك على من ؟اداري فشلي بالحصول ع وظيفه مثلا ً .. ادور شي يلهيني عن وضعي النفسي ؟ ليش مو من حقي اعيش ولو لمره براحة بال ؟ تعبت اشيل دفاتر وادور اقلام .. واشخبط بالدفتر واحضر لمجرد الحضور( هذا اذا حصلت الفرصه يقبلوني ) .. L

وايد اشياء ما اتوفق فيها .. ليش ما ادري .. لدرجه صرت افكر كثير .. ايش الذنب اللي مستمره عليه وغاضب الله.. بحالي .. حتى ناس حواليني محد ..وكله ساكته ... وبغرفتي .. ايش اكبر ذنب ممكن اسويه غير اني أتأخر على موعد الصلاه واني كنت اعشم قلبي بحد من الخيال مثلا .. حتى مو من نفس العالم ..وحتى الحين كرهته وكرهت افكر فيه وعفت عينه مو بس هو .. ايش باقي ؟

جد استحي ادعي بكل أمنياتي .. لأنها كثيره وابسطها للحين ماتحققت .. بس ما عدت اهتم .. انهزمت وبعدين ؟ .. حتى احلامي كرهتها .. و اليأس صار فيني فطره .. وكلما حسيت بأن فيه احباط جديد يهاجمني .. كلما استنفرت بتذكير نفسي ان رحمة ربي قريبه ..

ما عدت اطلب ان تتحقق أمنياتي عشان تسعدني .. صرت ادعي .. ربي يفتح لي مره .. لو نص باب .. على الأقل تدخل لقلبي السكينه ويزيد فيني الصبر..واعرف ان الله يسمعني ويتقبل دعائي J

رمضان كريــــمـ ...

اممم لرمضان طعم خاص في الدعاء .. في كل عام أعلق على رمضان آلاف من الأماني والأدعيه ..

هذا العام .. قررت أن اخبي بقلبي دعاء واحد .. أحتاج لإستجابته بقوه ..

,,,

رب ِ إغنني بحلالك عن حرامك .. وبفضلك عمن سواك .. :)

وبش .. رمضانكم كريم !

علميهم يالأماني

علميهم يالأماني..إشكثر إنتي تعاني

وأنك رحلتي..ولا رجعتي ..

وأنك مشيتي ..وما نسيتي ..

علميهم ..

ليه اختفيتي..

وليه من قلبك بكيتي ..

وإسأليهم ..

ليه بس..انتِ من عمرك عطيتي ..!

علميهم يالأماني ..

إن كان لك بالعمر ثاني ..

أن الوجع ذاب بوجع ..

وأن القصيد حكاية وريد..

كان ينبض ..

كان يحلم ..

غلطته ..

أنه طهر ..

غلطته ..

أحلامه زهر ..

غلطته..

فارق ومات

وودع الدنيا.. ش ت ا ت

وين إحترام الذات ؟

حسافه يا حسافه ..
ليه بس
كلها خـذلان ..
ودمـوع
على الصامـت ..
وسجـن ..
وليل وليــل ,,
ما وراه نهـار ..!!


ياحسافـه ..علميهـم
اشكثر
تكوي الآهـات ,,
وشكـثر
أنا تعبت
أرقع هالحلـم ..
بفتات وفتـات ,,
وشكثر همي كـبير ,,
وشكثر أبكي بضمـير ,,

يا حسافـه ..
يا دنيا تحرمينـي ,,
ويا حسافـه
يا دنيا نعيـش ,,
بعد ما ينتهـي فينـا
إحـترام الـذات !!

مخــــــــاض ..حلــــــــم

هنا فقط أجهض حزني ..

هنا فقط أنسلخ عن ذاكرتي ..

هنا فقط ..أثرثر .. لمجرد الثرثره..

*********

حاليـــــــًا..لا أجيد إلا لغة الهذيــان ..

لذا ..إغفر لهذيانــي ..

أو ..إذهب إلى الجحيم ..

****************

عفـــــــــوًا..متيمة أنا بحلمي ..

وبشخابيطي البريئه على جدار الذاكره ...

عفـــــوًا ..جامحة ٌرغم ضعفي ..

عفــــوًا ..متمردة ٌرغم حزني ..

عفوا ..أبية ٌرغم إنكساري ..

****************

بين المخاض والمخاض طفــــل..

أسميته الحلم ..بين الحلــم والحلـــم وطن..

أسميته الحــب..

بين الحب والحب ((..فـــــــراغ..))

وحيث الفراغ ..

هناك أنثـــــى ..تزفر الصمــــت ..!

****************

عند كل حزن أنـــام ..

وعند كل غــــدر أستيقظ ..

لا بأس ..المهم أن أشعـــر...

****************